نیچر کا برتاؤ صرف ایک خدا " اللہ " تعالی اور صرف ایک مذہب " دین اسلام " ہی کی تائید کرتا ہے

 بسم اللہ الرحمن الرحیم

تمام مذہبی کتابوں میں لکھا ہے کہ

God is one

یعنی خدا ایک ہے

یعنی کسی کتاب میں یہ نہیں لکھا ہوا ہے کہ

Gods are two or more

کہ خدا دو یا دو سے زیادہ ہیں۔

مگر دنیا کے ان تمام مذاہب کے پیروکاروں کے درمیان جو خدا کے وجود کو مانتے ہیں صدیوں سے اس بات پر جھگڑا ہے کہ اس خدا کا نام کیا ہے؟

ہر مذہب کا پیروکار خدا کا نام الگ الگ بتاتا ہے جس کی وجہ سے صدیوں سے ان کے درمیان نفرت و عداوت اور جنگیں جاری ہیں اور ان جنگوں کی وجہ سے معصوم انسانوں کی ہلاکت و بربادی ہو رہی ہے نیز بے تحاشہ مال کا ضیاع بھی ہو رہا ہے جس کی وجہ سے دنیا کے اکثر انسانوں میں غربت و جہالت، فقر و فاقہ، لاعلاج بیماری، چوری، ڈکیتی، خودکشی اور خواتین کی جسم فروشی بھی ہے۔

میں سمجھتا ہوں کہ اگر مذاہب کے درمیان جو خدا کے نام پر جھگڑا ہے اسے ختم کرنے کے لیے

Behavior of Natures

یعنی قدرت و نیچر کے برتاؤ کو ایک غیر جانبدار جج کی طرح مان لیا جائے کہ جس خدا اور مذہب کی نیچر کا برتاؤ تائید کر رہا ہو صرف اسی خدا اور مذہب کو مانا جائے اور جس خدا اور مذہب کی نیچر کا برتاؤ تائید نہ کر رہا ہو اسے نہ مانا جائے تو انسانوں کے درمیان صدیوں سے جاری یہ مذکورہ مذہبی نفرت و عداوت اور جنگیں بآسانی ختم ہوسکتی ہیں اور پوری دنیا خوشحال اور جنت نما بن سکتی ہے ان شاء اللہ تعالی کیوں کہ تمام یا اکثر انسانوں کے ایک ہی خدا/ بھگوان/ ایشور/ God / اللہ اور مذہب پر متفق ہونے کی وجہ سے دنیا مستقل طور پر پر امن اور خوشحال ہو جائےگی جس میں امیر و غریب سب کا فائدہ ہے۔

نومولود انسانی بچے، بچیاں، گائے، بیل، شیر،مرغے،مرغیاں، کوے، بلیاں، کتے کابچہ یہ سب واضح طور پر صرف دین اسلام کے خدا " اللہ " تعالی کا نام لے رہے ہیں۔ ان میں سے ایک بھی غیر مسلموں کے مصنوعی خداؤں میں سے کسی خدا کا یا مذہبی پیشوا کا نام نہیں لے رہا ہے۔

ہم یہ نہیں کہ سکتے کہ یہ ویڈیوز بناوٹی یا جعلی ہیں کیوں کہ اگر ایسا ہے تو غیر مسلم بھی اپنے خداؤں کے نام پر ویڈیوز بناکر لے آئیں جن میں یہ سب ان کے خدا کا نام لے رہے ہوں؟

مگر ایسا یہ لوگ کبھی بھی نہیں کرسکتے لہذا معلوم ہوا کہ یہ سب ویڈیوز اصلی ہیں۔

نیز بادلوں، درختوں،درخت کے پتوں، مچھلیوں، انسان کے مختلف اعضاء، آلو، ٹماٹر، سیب، پیاز، جانوروں، پرندوں اور دیگر بہت سی چیزوں پر " اللہ " تعالی کانام قدرتی اور فطری طور پر لکھا ہوا ظاہر ہوا ہے جوکہ اللہ تعالی کا معجزہ ہے اور اس بات کا ثبوت ہے کہ واقعی مذہبی کتابوں میں جو کہا گیا ہے کہ خدا ایک ہے اس کا نام " اللہ " ہی ہے۔

کیوں کہ غیر مسلموں کے مصنوعی خداؤں یا ان کے مذہبی پیشواؤں میں سے کسی کا بھی نام ان مذکورہ چیزوں میں سے کسی چیز پر بھی ظاہر نہیں ہوا ہے۔

بہرحال میرے خیال سے اگر میڈیا اور کانفرنسوں کے ذریعہ اللہ تعالی کے اس غیرجانبدار قدرتی اور فطری معجزہ کو دنیا کے انسانوں تک پہنچا دیا جائے تو کوئی وجہ نہیں کہ دنیا کے تمام یا اکثر غیر مسلم اللہ تعالی ہی کو خدا، ایشور اور بھگوان ماننے والے نہ بنیں اور دین اسلام میں داخل نہ ہوں۔

لہذا مساجد، و مدارس اور کانفرسوں کے ذریعہ عوام الناس کو یہ ویڈیوز اور اللہ والی قدرتی تصویریں دکھائی جائیں تاکہ سب یا اکثر انسانوں تک یہ اللہ تعالی کا معجزہ اللہ تعالی کے فضل اور ان کی توفیق سے پہنچ جائے اور تمام یا اکثر انسان صرف انہی کو ماننے والے بن جائیں۔

ویسے بھی اللہ تعالی نے قرآن کریم سورہ نمبر 41 آیت نمبر 53 میں کہا ہے کہ

سَنُرِيهِمْ ءَايَتِنَا فِى ٱلْءَافَاقِ وَفِىٓ أَنفُسِهِمْ حَتَّىٰ يَتَبَيَّنَ لَهُمْ أَنَّهُ ٱلْحَقُّ ۗ أَوَلَمْ يَكْفِ بِرَبِّكَ أَنَّهُۥ عَلَىٰ كُلِّ شَىْءٍۢ شَهِيدٌ

ترجمہ: ابھی ہم انہیں آسمان و زمین کی وسعتوں میں اور خود ان کی ذاتوں میں اپنی نشانیاں دکھائیں گے یہاں تک کہ ان کیلئے بالکل واضح ہو جائے گاکہ بیشک وہ ہی حق ہے اورکیا تمہارے رب کا ہر چیز پر گواہ ہونا کافی نہیں ؟

یعنی اپنی نشانیاں دکھانے کی بات کی ہے جس سے کہ حق و باطل کھل کر سامنے آجائے۔

بہر حال افضل ذکر بھی چونکہ اللہ ہی کی یاد ہے اس اعتبار سے بھی یہ کام بہت اہم بن جاتا ہے۔

لیکن اس بات کو دنیا کے غیر مسلموں تک پہنچانے کے لئے وسائل کی ضرورت ہے اس لئے اللہ تعالی سے گزارش ہے کہ وہ غیب سے اس کام کے لیے بھرپور وسائل مہیا کردیں، مہربانی ہوگی۔

آپ ہمارے ساتھ تعاون کرنے یا کام کرنے کے لئے رابطہ کر سکتے ہیں۔

آپ کا ایک اسلامی بھائی

مولانا ابرار عالم پاکستانی

واٹس ایپ نمبرز:

00923332100668

00923452215476